„Ноември – месец на науката 2024“, ВТОР ДЕН 30.11.2024
На ден 30.11.2024 година, се одржа вториот ден на настанот „Ноември – месец на науката 2024“, посветен на учениците од средното образование. Овој ден беше исполнет со иновативни активности и инспиративни моменти, каде што учениците од средните училишта имаа можност да се запознаат со најновите достигнувања во различни научни области.
Голема благодарност за активното учество на сите ученици, наставници и ментори кои со својата посветеност, ентузијазам и креативност го направија овој настан посебен. Благодарност и на родителите и поддржувачите кои ја препознаа важноста на овој настан и дадоа свој придонес во организирањето и спроведувањето на истиот.
Се радуваме што имавме можност да го споделиме овој незаборавен ден со вас и се надеваме дека ќе се сретнеме повторно на слични настани во иднина. Со заеднички сили, продолжуваме да ја поттикнуваме љубовта кон науката и да создавааме можности за нови откритија и инспирации. Ви благодариме за учеството и не заборавајте – научниот пат е долг и полн со нови предизвици, но и со многу награди. Очекуваме да се сретнеме повторно на следните настани и да продолжиме да учиме и растеме заедно.
 Настанот „Ноември - месец на науката 2024“  се затвори со уверување дека младите научници на Македонија имаат светла иднина пред себе.

​
Од организаторите на настанот „Ноември - месец на науката 2024“:
Проф. д-р Ѓорѓи Маркоски
М-р Ерблина Зеќири
Христина Митреска

​30.11.2024 НАГРАДИ

МАТЕМАТИКА
НАГРАДИ_МАТЕМАТИКА.pdf
БИОЛОГИЈА
НАГРАДИ_БИОЛОГИЈА.pdf
ХЕМИЈА
НАГРАДИ_ХЕМИЈА.pdf
ГЕОГРАФИЈА
НАГРАДИ_ГЕОГРАФИЈА.pdf
„Ноември – месец на науката 2024“, ПРВ ДЕН 23.11.2024

На ден 23.11.2024 година, се одржа настанот „Ноември – месец на науката 2024“ за учениците од основните училишта, каде што 237 ученици од основните училишта имаа можност да уживаат во светот на науката преку различни активности и интерактивни содржини.
Настанот започна со впечатливи демонстрации и експерименти, каде младите љубители на науката се претставија со презентации и експерименти од математика, биологија, природни науки, хемија и географија, и учестувуваа во интерактивни работилници од математика и биологија. Освен тоа, познати професори од различни научни области одржаа инспиративни предавања, охрабрувајќи ги учениците да истражуваат, поставуваат прашања и да го откриваат потенцијалот на науката.
На самиот крај, беа доделени награди на најуспешните учесници.
Голема благодарност на сите учесници, организатори, комисии, ментори и поддржувачи што го направија овој ден посебен.

Од организаторите на настанот „Ноември - месец на науката 2024“: 
Проф. д-р Ѓорѓи Маркоски
М-р Ерблина Зеќири
Христина Митреска

Во продолжение ви споделуваме слики од најубавите моменти од овој ден.
​

23.11.2024 - НАГРАДИ 

ПРИРОДНИ НАУКИ
​ПРИРОДНИ_НАУКИ-НАГРАДИ.pdf
МАТЕМАТИКА
МАТЕМАТИКА-НАГРАДИ.pdf
БИОЛОГИЈА
БИОЛОГИЈА_НАГРАДИ.pdf
ГЕОГРАФИЈА
НАГРАДИ-ГЕОГРАФИЈА.pdf​
ХЕМИЈА
НАГРАДИ-ХЕМИЈА.pdf

Ново!

Во рамките на „Ноември - Месец на Науката“ на 23 ноември 2024 година, подгответе се за ден полн со научни авантури и истражувања! Активностите ќе започнат со регистрација и свечено отворање, а потоа следуваат возбудливи натпревари во експерименти, каде што учениците ќе ги покажат своите креативни и истражувачки вештини.
Распоредот на активностите и повеќе информации ќе најдете на следниот линк:


Истражувај, експериментирај и откриј нови светови!
  Драги ученици, почитувани наставници и родители,
 Со големо задоволство ве покануваме да бидете дел од овогодишната манифестација за популаризација на природните науки „Ноември - месец на науката“. Главен организатор на оваа возбудлива иницијатива е Сојузот на математичарите на Македонија (СММ) и Природно-математичкиот факултет (ПМФ), други учесници во организацијата се Македонското биолошко друштво (МБД), Сојузот на хемичарите и технолозите на Македонија (СХТМ), Македонското географско друштво (МГД), Македонското еколошко друштво (МЕД), Македонско астрономско друштво (МАД), Скопско астрономско друштво (САД).

 Настанот „Ноември - месец на науката“ е отворен за сите ученици од основните и средните училишта, како и за нивните наставници по природните науки – математика, биологија, хемија и географија. Природно-математичкиот факултет во Скопје ќе биде домаќин на ова научно патување, кое ќе се одвива во текот на два викенди во ноември 2024 година, и тоа:

      • 23 ноември 2024 за учениции од основните училишта,
      • 30 ноември 2024 за учениции средните училишта.

​ Настанот ќе биде збогатен со различни активности: 
  - научно-популарни предавања,
  - натпревар во експеримент/изработка/ симулација/модел од ученик (експерименти),
  - презентации на искуства од наставници,
  - работилници,
  - посета на лаборатории на ПМФ и
  - други активности. 

 Секој ученик и наставник кој ќе учествува на настанот ќе добие сертификат за учество, а на најдобрите ученици на натпреварот во демонстрации, како и на нивните ментори, ќе им бидат доделени дипломи и награди.
 Да се вклучиме сите заедно и да придонесеме кон популаризацијата на природните науки!

 Со почит,
 Проф. д-р Ѓорѓи Маркоски, претседател на СММ
 Проф. д-р Зоран Здравковски, претседател на СХТМ
 Проф. д-р Сузана Диневска-Ќовкаровска, претседател на МБД
 Проф. д-р Христина Димеска Трајкова, претседател на МГД
 Проф. д-р Славчо Христовски, претседател на МЕД
 Проф. д-р Даворин Трпески, декан на ПМФ

Главни организатори

Сојуз на математичари на Македонија
Природно-математички факултет, Скопје​

Контакт

Емаил адреса:
​[email protected]
Не постои ниеден дел од науките каде ниедна од математичките дисциплини не може да се примени, или кој не е во релација со ниедна математичка област. - Леонардо да Винчи